_{சீனா நேபாள நிலச்சரிவு பெருவெள்ளத்தில் காணாமல் போன 54 மலேசியர்களைத் தேடும் பணி தொடர்ந்து நடைபெறுகிறது!}

_{ஆனால் அவர்களைக் கண்டுபிடிக்கும் வாய்ப்பு குறைந்து வருகிறது என வெளியுறவு அமைச்சர் Datuk Seri Mohamad Hasan தெரிவித்துள்ளார்.}

_{தேடுதல் பணிகள் முடிந்து நேபாளம் மீட்புப் பணிகளுக்கு மாறியிருந்தாலும், மலேசியத் தூதரகம் அந்நாட்டு அதிகாரிகளுடன் இணைந்து தொடர்ந்து முயற்சி செய்து வருகிறது என அவர் கூறினார்.}

_{வெளிநாடுகளுக்குச் செல்லும் மலேசியர்கள் தங்களின் பயண விவரங்களை e-Konsular இணையதளத்தில் பதிவு செய்ய வேண்டும்.}

_{கடந்த ஆண்டு 6,000-க்கும் சற்று அதிகமானோர் மட்டுமே பதிவு செய்துள்ளனர்.}

_{வெளிநாடுகளில் பேரிடர் மாதிரியான அவசரநிலை ஏற்பட்டால் உதவுவதற்கு, பயணிகள் தங்களின் இருப்பிடம் மற்றும் தொடர்பு எண்களைப் பதிவு செய்து புதுப்பித்து வைத்திருக்க வேண்டும் என அவர் வலியுறுத்தினார்.}

_--

_{வாகனங்களுக்கு உரிமையாளர்களின் பெயர்களைப் பதிவு எண்களாக வழங்கும் திட்டத்தை அறிமுகப்படுத்தப் போவதில்லை !}

_{அதிலிருந்து அதிக வருமானம் கிடைக்க வாய்ப்பிருந்தாலும் அது சாத்தியப்படாத ஒன்று என போக்குவரத்து அமைச்சர் Anthony Loke தெரிவித்துள்ளார்.}

_{தற்போதுள்ள எழுத்துகள் மற்றும் எண்களைக் கொண்ட பதிவு முறையே தொடர்ந்து பயன்படுத்தப்படும் என்றும், ஆண்டுதோறும் இரண்டு அல்லது மூன்று சிறப்புப் பதிவு எண் தொடர்கள் வெளியிடப்படும் என்றும் அவர் கூறினார்.}

_--

_{நாட்டில் Waze செயலி பயன்பாட்டிற்கு முழுமையான தடை விதிக்கப்படவில்லை !}

_{தேசிய பாதுகாப்பைக் கருத்தில் கொண்டு அரசாங்க ஊழியர்களுக்கு மட்டுமே அத்தடை விதிக்கப்பட்டுள்ளதாக தேசியப் பாதுகாப்பு மன்றத்தின் தலைமை இயக்குநர் தெளிவுப்படுத்தியுள்ளார்.}

_{பாதுகாப்பு மற்றும் தனிநபர் சுதந்திரம் இரண்டுக்கும் இடையில் சமநிலை தேவை தான் என்றாலும், எதிர்கால பாதுகாப்பு நிலையை வலுப்படுத்தும் நோக்கில் கூடுதல் நடவடிக்கைகள் எடுப்பதும் அவசியம் என அவர் கூறினார்.}

_--

_{சுற்றுச்சூழல் துறையின் ஆகக் கடைசி தகவ்ல் படி, நாட்டில் 17 இடங்களில் காற்றின் தரம் ஆரோக்கியமற்ற நிலையில் பதிவாகியுள்ளது.}

_{KL, Putrajaya, மற்றும் ஜொகூர், மலாக்கா, நெகெரி செம்பிலான், சிலாங்கூர் உள்ளிட்ட மாநிலங்களின் சில பகுதிகள் அதிலடங்கும் .}

_--

_{பினாங்கு , பேராக், பஹாங், மலாக்கா, சிலாங்கூர், நெகெரி செம்பிலான்,  சபா, சரவாக் மற்றும் கூட்டரசு பிரதேசங்ளிலும் சில பகுதிகளில் காலை மணி 9 வரை இடியுடன் கூடிய கனமழை பெய்யும் என மலேசிய வானிலை ஆய்வு துறை தெரிவித்துள்ளது.}